කොළඹ විදුලි කප්පාදුව හෙටට කල් යයි.

කොළඹ ප්‍රදේශ කිහිපයකට අද (27) දිනය තුළ ක්‍රියාත්මක කිරීමට  නියමිතව තිබූ පැය 06ක කාලයක් විදුලිය අත්හිටුවීම හෙට (28) දිනයේ සිදු කරන බව ලංකා විදුලි බල මණ්ඩලය නිවේදනය කර සිටී. ඒ අනුව කොළඹ 03, 04, 05, 07 සහ 08 යන ප්‍රදේශ සඳහා හෙට  විදුලිය අත්හිටුවීමට නියමිතය.

හෙට පෙරවරු 09.00 සිට පස්වරු 03.00 දක්වා කාලය තුළ එම ප්‍රදේශවලට විදුලිය අත්හිටුවන බව සඳහන් වේ. කොළඹ නගරයේ කිලෝ වෝල්ට් 132 පද්ධතියේ අත්‍යාවශ්‍ය වැඩිදියුණු කිරීමේ කටයුත්තක් හේතුවෙන් විදුලිය අත්හිටුවීම සිදු කරයි.

ලබන 31 වන දින දක්වා නඩත්තු කටයුතු සිදු කෙරෙන බැවින් වරින් වර අවට ප්‍රදේශවලට විදුලිය බිඳවැටීම් සිදුවිය හැකි බව වැඩිදුරටත් සඳහන් වේ.

The post කොළඹ විදුලි කප්පාදුව හෙටට කල් යයි. appeared first on Lanka News Column.