වසර 67 ක් මුළුල්ලේ කළා වූ මෙහෙවර ඇගයීමට ලක් කරමින් දියතලාව ශ්‍රී ලංකා ගුවන් හමුදා සටන් පුහුණු පාසලේ ජනාධිපති වර්ණ ප්‍රදානෝත්සවය ජනාධිපති මෛත්‍රීපාල සිරිසේන මහතාගේ ප්‍රධානත්වයෙන් (02) පෙරවරුවේ අභිමානවත් අයුරින් පැවැත්විණි.
දියතලාව ශ්‍රී ලංකා ගුවන් හමුදා සටන් පුහුණු පාසලේ නිලධාරින් හා සෙසු නිලයන් ශ්‍රී ලංකා ගුවන් හමුදාව නියෝජනය කරමින් තම ජවයෙන්, ශක්තියෙන්, දැනුමෙන් හා නිර්මාණශීලිත්වයෙන් ශ්‍රී ලංකා මාතාවටත්, තම ජාතියටත් ඉටුකරන්නා වු මෙහෙවර වෙනුවෙන් මෙහිදී ජනාධිපති වර්ණයෙන් පිදුම් ලැබූහ. ආරක්ෂක රාජ්‍ය ඇමැති රුවන් විජයවර්ධන, ආරක්ෂක මාණ්ඩලික ප්‍රධානී අද්මිරාල් රවින්ද්‍ර විජේගුණරත්න, යුද හමුදාපති ලූතිනන් ජනරාල් මහේ්ෂ් සේනානායක, නාවික හමුදාපති වයිස් අද්මිරාල් සිරිමෙවන් රණසිංහ, ගුවන් හමුදාපති එයාර් මාර්ෂල් කපිල ජයම්පති යන මහත්වරුන් ඇතුළු ආරක්ෂක අංශ ප්‍රධානීහු මේ අවස්ථාවට එක්ව සිටියහ.
ඡායාරූපය : සුදත් සිල්වා
0 Comments