ශ්‍රී ලංකා ක්‍රිකට් ආයතනය මගින් සංවිධානය කරනු ලබන සුපර් ෆෝ අන්තර් පළාත් සිවුදින ක්‍රිකට් තරගාවලිය අනිද්දා (30දා) සිට හලාවත මේරියන්ස් ක්‍රිකටි ක්‍රීඩා සමාජ පිටියේදී, හම්බන්තොට ජාත්‍යන්තර මහින්ද රාජපක්ෂ පිටියේදී සහ රංගිරි දඹුල්ල ජාත්‍යනතර ක්‍රිකට් පිටියේදී පැවැත්වීමට නියමිතය.
මේ සම්බන්ධයෙන් මාධ්‍ය දැනුවත් කිරීමේ හමුවක් ඊයේ (27දා) කොළඹ ජයික් හිල්ටන් හෝටලයේදී පැවැත්විණි.
මෙම අවස්ථාවට එක්ව සිටි ශ්‍රී ලංකා ක්‍රිකට් ආයතනයේ සභාපති ශ්‍රී ලංකා පාර්ලිමේන්තුවේ නියෝජ්‍ය කථානායක තිලංග සුමතිපාල මහතා සඳහන් කර සිටියේ මෙරට සිටින හොඳම ක්‍රිකට් ක්‍රිඩකයන් අන්තර් පළාත් තරගාවලියට එක්ව සිටින බැවින් එය අනාගතය වෙනුවෙන් හොඳ ආයෝජනයක් වන බවයි.
එමෙන්ම ඉදිරියේදී පැවැත්වීමට නියමිත බ.ඉ.කොදෙව් තරගාවලියටද මෙය හොඳ පෙරහුරුවක් වනු ඇති බව සභාපතිවරයා වැඩිදුරටත් සදහන් කර සිටියේ.
0 Comments