සුපිරි ක්‍රිකට් ක්‍රීඩකයකු වූ පාකිස්තානයේ ඉම්රාන් ඛාන් තෙවැනි වරටත් විවාහ වූ බව ඔහුගේ තරීක් ඊ ඉන්සාෆ් පක්ෂය තහවුරු කරයි. මෙවර ඔහුගේ අත ගෙන ඇත්තේ අධ්‍යාත්මික උපදේශිකාවක ලෙස කටයුතු කරන බුෂ්රා මනේකා යි. ඉම්රාන්ගේත් බුෂ්රා මනේකාගේත් මංගල උත්සවය ඉතා චාම් අයුරින් මනාලියගේ සොහොයුරා ගේ නිවසේ දී පැවැත්වුණ බව පක්ෂ නිවේදනයේ වැඩිදුරටත් සඳහන් වේ.
ක්‍රිකට් ක්‍රීඩාවෙන් සමුගැනීමෙන් පසු දේශපාලනයට පිවිසි ඉම්රාන් එරට ප්‍රබල ‘තරීක් ඊ ඉන්සාෆ්’ දේශපාලන පක්ෂයට නායකත්වය දෙයි.
ඉම්රාන් ඛාන්ගේ පළමු විවාහය සිදුවූයේ 1995 වසරේදී ජෙමීමා ගෝල්ඩ්ස්මිත් නම් ඉංග්‍රීසි ජාතික යුවතිය සමඟය. අවුරුදු 9 කට පසු, ඇයගෙන් දික්කසාද වූ ඉම්රාන් රූපවාහිනී පුවත් නිවේදිකාවක වූ රෙහාම් කාන් සමඟ විවාහ විය. එම විවාහය මාස 10කට පමණක් සීමා විය.
0 Comments