යුද හමුදාපති ශවේන්ද්ර සිල්වාට ඇමෙරිකානු රජය තහනමක් පැනවීමට මුල් වූ හිටපු හමුදා නිලධාරීන් තිදෙනකු ගැන ඇමෙරිකානු රාජ්ය ලේකම් මයික් පොම්පියෝ මෙරටට පැමිණීමෙන් පසු අනාවරණය වී ඇත.
මෙම හිටපු හමුදා නිලධාරීන් තිදෙනා ඇමෙරිකානු රාජ්ය දෙපාර්තමේන්තුවට දිව්රුම් ප්රකාශ ලබා දී තිබේ.
මොවුන් තිදෙනාගෙන් එක් අයෙක් හිටපු මේජර් ජෙනරාල්වරයකු වන අතර අනෙක් දෙදෙනා සාමාන්ය නිලධාරීන් දෙදෙනෙකි. මෙම පිරිස ගැන හෙළි වූයේ මුල්වරටය.
මෙම හිටපු මේජර් ජෙනරාල්වරයා හමුදා සේවයෙන් ඉවත් කළ අයෙකි.
මොහු, තමා හිටපු ආරක්ෂක ලේකම් ගෝඨාභය රාජපක්ෂ මහතාගේ රහස් නියෝග නිකුත් කරන ප්රධාන නිලධාරියා ලෙස ඇමෙරිකානු රාජ්ය දෙපාර්තමේන්තුවට පවසා ඇතැයි ඉහළ පෙළේ ආරක්ෂක ආරංචි මාර්ග හෙළි කළේය.
මේ අතර හමුදාපති ශවේන්ද්ර සිල්වාට පැනවූ තහනම ඉවත් නොකරන ලෙස හිටපු එක්සත් ජාතීන්ගේ නිලධාරිනි යස්මින් සුකා සහ මානව හිමිකම් කවුන්සිලය ඇමෙරිකානු රාජ්ය ලේකම් මයික් පොම්පියෝගෙන් ඉල්ලා ඇත.
0 Comments