රුසියන් අගමැතිත් ‘පොසිටිව්’

රුසියානු අග්‍රාමාත්‍ය මිහායිල් මිෂුස්ටින්ට කොවිඩ් 19 වෛරස් රෝගය වැලඳී ඇති බව “The Moscow Times” මිට පැය කිහිපයකට පෙර වාර්තා කළේය.
ජනවාරි මාසයේ අගමැති ධුරයට පත් වූ 54 හැවිරිදි මිෂුස්ටින්, වෛරස් වසංගතයට රුසියාව දක්වන ප්‍රතිචාරයේ ප්‍රමුඛ කාර්යභාරයක් ඉටු කර ඇතැයි වාර්තා වේ.
ඔහු මේ වන විට රෝහල් ගතව ස්වයං හුදෙකලා වී සිටින අතර අගමැති ධුරයෙන් තාවකාලිකව ඉවත් වී ඇත. ඒ අතර රුසියාවේ පළමු නියෝජ්‍ය අගමැති ඇන්ඩ්‍රි බෙලූසොව් වැඩබලන අගමැති ලෙස පත් කිරීමේ නියෝගයකට රුසියානු ජනාධිපති පුටින් අත්සන් තබා තිබෙන බව වාර්ථ වේ.
“මට ස්වයං හුදකලාව නිරීක්ෂණය කළ යුතු අතර වෛද්‍යවරුන්ගේ නියෝග පිළිපැදිය යුතුයි. මගේ සගයන් ආරක්ෂා කිරීම සඳහා මෙය අවශ්‍ය වේ” යැයි පුටින්ට පැවසා ඇතැයි වාර්තා වන අතර ඔහු, “සියලු ප්‍රධාන කාරණා සම්බන්ධයෙන් නිරන්තර සම්බන්ධතා පවත්වන බවට පොරොන්දු විය.” යැයි ජනාධිපතිවරයා මාධ්‍යයට පවසා තිබේ.
රූපවාහිනී හමුවකදී ජනාධිපති පුටින් කියා සිටියේ මිෂුස්ටින්ට සිදුවූ දෙය ඕනෑම කෙනෙකුට සිදුවිය හැකි බවයි.
මිෂුස්ටින් පවසා ඇත්තේ තමාට අධික උණක් ඇති බවය.
මේ අතර පසුගිය සති කිහිපය තුළ මිෂුස්ටින් සමඟ මුහුණට මුහුණ හමු වූ සෑම කෙනෙකුම හුදෙකලා වී වෛරස් පරීක්ෂාවට ලක් කරන බව ඔහුගේ මාධ්‍ය ලේකම් වාර්තාකරුවන්ට පැවසීය.
මිෂුස්ටින්ගේ රෝග විනිශ්චය වාර්තා වූයේ රුසියාවේ කොරෝනා වෛරස් ආසාදන සංඛ්‍යාව 100,000 ඉක්මවා ඇති බැවිනි.

The post රුසියන් අගමැතිත් ‘පොසිටිව්’ appeared first on Lanka News Column.