ජයන්ත නික්ම යයි

ප්‍රවීණ සංගීත ශිල්පී ජයන්ත රත්නායක පිළිකා රෝගී තත්වය හේතුවෙන් අද අභාවප්‍රාප්ත වී තිබේ. අද උදෑසන ඔහු මහරගම අපේක්ෂා රෝහලේදී අභාවප්‍රාප්ත වී ඇත.

කලක් රෝගාතුරව සිටි ජයන්ත රත්නායක මියයන විට 51 වන වියෙහි පසු විය. ජයන්ත, ප්‍රවීණ සංගීතවේදී වික්ටර් රත්නායකගේ වැඩිමල් පුත්‍රයාය.

පසුගිය ජුලි මාසයේදී පිළිකා රෝගී තත්වයට අදාලව පළමු ශල්‍ය කර්මය සිදුකර තිබිණි. අනතුරුව සතියට දින දෙකක් ඔහු රෝහල් ගතව ප්‍රතිකාර ගත්තේය. සුවවූ පසුව ඔහු රුපවාහිනී නාලිකා කිහිපයකම සංගීත වැඩසටහන් හි සංගීත අධ්‍යක්ෂකවරයා ලෙස සිය සහය ලබා දුන්නේය.

ජයන්ත රජන්ත, ශක්ති සහ සිහ ශක්ති සංගීත කණ්ඩායම් වල කී බෝර්ඩ් වාදන ශිල්පිය ලෙසද දිගු කලක් සේවය කළේය. ඔහු එක් දියණියෙකුගේ පියෙකි.

The post ජයන්ත නික්ම යයි appeared first on Lanka News Column.