ශ්‍රී ලංකාවේ අභිමානය විදහාපාන සංකේතයත් බඳූ බණ්ඩාරනායක අනුස්මරණ ජාත්‍යන්තර සම්මන්ත්‍රණ ශාලාව (BMICH) ගෙවුණු 2018 වසර ජයග්‍රහණ රැසක් සමඟින් සාර්ථකව අවසන් කර ඇති බව එහි පරිපාලනය සඳහන් කරයි. එම ආයතනය විසින් ශ්‍රී ලංකා සංචාරක සම්මාන උළෙලේදී රැස්වීම්, සම්මන්ත්‍රණ සහ ප්‍රදර්ශන සඳහා හොඳම ස්ථානයට පිරිනැමෙන Best MICE Venue සම්මානයෙන්ද දකුණු ආසියානු සංචාරක සම්මාන උළෙලේදී (South Asia Travel Awards) දකුණු ආසියාවේ රැස්වීම්, සම්මන්ත්‍රණ සහ ප්‍රදර්ශන සඳහා හොඳම ස්ථානයට පිරිනැමෙන ස්වර්ණ සම්මානයෙන්ද පිදුම් ලැබීම විශේෂත්වයකි.
2018 වසරේදී BMICH හි පැවත්වුණු දේශීය හා ජාත්‍යන්තර ප්‍රදර්ශන උත්සව සම්මන්ත්‍රණ සහ විවාහ උත්සව සඳහා සහභාගී වූ සමස්ත ජනකාය මිලියන 7 කට අධිකය. සිය උත්සව අවස්ථාවන් සඳහා BMICH වෙන් කරවා ගැනීම මෙරට රාජ්‍ය හා පෞද්ගලික අංශ විසින් කැමැත්තක් දක්වන අතර වාර්ෂිකව පැවත්වෙන කොළඹ ජාත්‍යන්තර පොත් ප්‍රදර්ශනයේදී පමණක් BMICH වෙත දිනකට ඇදී ආ ජනගඟ 100,000 කට අධිකය. ඒ අනුව කොළඹ ජාත්‍යන්තර පොත් ප්‍රදර්ශනය පැවත්වුණු දින 10 තුළ පමණක් BMICH වෙත පැමිණි ජනකාය මිලියනයකට අධිකය.
zBMICH පිහිටා තිබෙන්නේ කොළඹ නගරය තුළ සැමට පහසුවෙන් පිවිසිය හැකි කේන්ද්‍ර ස්ථානයකයි. සෑම තරාතිරමකටම අයත් අපේ කාර්ය මණ්ඩලය මෙහි පැමිණෙන අමුත්තන්ට ඉහළම අත්දැකීමක් ලබාදීමට කැප වී සිටිනවා. අපේ යටිතල පහසුකම් පවා නිර්මාණය කර තිබෙන්නේ අපේ පාරිභෝගිකයින්ගේ සහ අමුත්තන්ගේ සෑම අවශ්‍යතාවයක්ම පහසුවෙන් ඉටු කිරීමට හැකිවන ආකාරයට යැයි මේ පිළිබඳව අදහස් දක්වමින් BMICH ප්‍රධාන විධායක නිලධාරී සුනිල් දිසානායක මහතා පැවසීය.
from silumina
0 Comments