Ticker

6/recent/ticker-posts

Header Ads Widget

'තොණ්ඩුව කාටද' අලුත්ම ‌වේදිකා නාට්‍ය



වෛද්‍ය කමල් ධර්මවංශ නිෂ්පාදනය කරන ප්‍රවීණ සාහිත්‍යවේදි නිකපිටිය බණ්ඩාරයන්ගේ නවතම නාට්‍ය නිර්මාණය තොණ්ඩුව කාටද වේදිකා නාට්‍යය මෙම මස 17දින සවස 3.30ට සහ 6.30ට උස්සාපිටිය අරුණ ශ්‍රී රංග ශාලාවේදි වේදිකාගත කිරීමට නියමිතයි. ඒ පිළිබඳව එම නාට්‍යයේ නිර්මාණකරු බණ්ඩාර නිකපිටිය සමග කළ කතා බහකි මේ.

*'තොණ්ඩුව කාටද'නාට්‍යය නිර්මාණකරු ඔබයි,‍මෙය මොනවගේ අත්දැකීමක්ද..


මේ නාට්‍යය මෙතෙක් කතා නොවුණු වෙනස්ම තේමාවක් ඔස්සේ නිර්මාණය කළ නාට්‍යයක්. පවතින ජරා ජීර්ණ, අවිචාර ශීලි සමාජ ක්‍රම වේදය පොදුජන හිත සුව පිණිස වෙනස් කරනු ලැබීමට පොදු සමාජ සංස්ථාවට ම බල කිරීම මෙම නාට්‍යය මගින් නිරූපණය කරනවා. එසේම ආදරය හඳුනන ආදරණීය මිනිසුන් තැනීමෙන් තිරසර සංවර්ධනයකට රාජ්‍ය තාන්ත්‍රය ගෙනයන ජාතික ප්‍රතිපත්ති හා සැලසුම් සකස්කොට සංවර්ධනයට අතහිත දීමත් තොණ්ඩුව කාටද නාට්‍යයේ පරමාර්ථයක්.

* ඔබ ඔබගේ පළමු නිර්මාණයට මෙවැනි ගැඹුරු තේමාවක් තෝරාගත්තේ ඇයි..


අපේ රටේ වර්තමානයේ පවතින අවිචාරශීලි ජරා ජීරණ සමාජ ක්‍රමවේදය වෙනස්කරනු ලැබීමට බලකිරීම පිණිස තමයි තොණ්ඩුව කාටද වේදිකා නාට්‍ය නිර්මාණය කිරීමට අදහස්කළේ. එම වෙනස ඇති කිරීමට ජනතාව දැනුවත් කිරීමක් තමයි මේ නාට්‍යය.මම දන්න තරමින් මෑත කාලයේ මෙවැනි තේමාවකින් කිසිදු නාට්‍යයක් නිර්මාණය වුණේ නැහැ. එවැනි හේතු මත තමයි මෙවැනි වේදිකා නාට්‍යයක් නිර්මාණය කිරීමට අදහස් කළේ.

*මෙහි රංගනයෙන් දායකවන රංගන ශිල්පීන් සඳහන් කළොත්..


වෛද්‍ය කමල් ධර්මවංශ තොණ්ඩුව කාටද වේදිකා නාට්‍යයේ නිෂ්පාදකවරයා. ඔහු වෛද්‍යවරයෙක් වුවත් තබ්ලා වාදනය පිළිබඳ විශාරදවරයෙක්. නාට්‍යයේ සංගීත අධ්‍යක්ෂණය කරන්නේ විශාරද කැළුම් මුදන්නායක. ඔහු කැලණිය විශ්වවිද්‍යාලයේ දෘෂ්‍ය කලා සැලසුම්කරණය හා ප්‍රාසාංගික කලා අධ්‍යනාංශයේ සහකාර කථිකාචාර්යවරයෙක්. වේදිකා පසුතල නිර්මාණය වර්ණ සෝමරත්න, ඔහු සෞන්දර්ය කලා විශ්වවිද්‍යාලයේ දෘෂ්‍ය කලා පීඨයේ මූර්ති අධ්‍යනාංශයේ හා බහුමාධ්‍ය කලා අංශයේ සහාය කථිකාචාර්යවරයෙක්. කලා අධ්‍යක්ෂණය චමීර සම්පත් බණ්ඩාර. ඔහුත් කැලණිය විශ්වවිද්‍යාලයේ නාට්‍ය හා රංග කලාව පිළිබඳ උපාධි අපේක්ෂකයෙක්. සහාය අධ්‍යක්ෂ ප්‍රවීණ රංගන ශිල්පී සුපුන් සුමින්ද,සුරංග බණ්ඩාර, නිශාන්ත කුලරත්න, කුලරත්න අස්මඩල,ඉරේෂා විජේරත්න,බණ්ඩාර කේ. වික්‍රමසිංහ,රංජිත් සේනාධීර,අකිල රදිෂාන් ශ්‍රිමන්ත,මහේන්ද්‍ර පිලිප් කුමාර, දයානන්ද පතිරණ,ආදි රංගන ශිල්පීන් සහ ශිල්පිනියන්. කියන්න සතුටුයි මේ සියලු දෙනා වේදිකා නාට්‍ය රංගනය පිළිබඳ හොඳ දැනුමක් ඇති අය.

* ඔබ නිර්මානකරණයට පිවිසුනු ආකාරය සිහිපත් කරමුද..


මා කැලණිය විශ්වවිද්‍යාලයේ ඉතිහාසය පිළිබඳ ගෞරව උපාධිධාරියෙක්. විශ්වවිද්‍යාලයේ ඉගෙන ගන්න කාලයේ අපි වේදිකා නාට්‍ය නිර්මාණය කළා.1999 රාජ්‍ය කෙටි නාට්‍ය උළෙල සඳහා සුදත් ශ්‍රි පෙරේරා විසින් අධ්‍යක්ෂණය කොට නිෂ්පාදනය කරන ලද අති ජාත පුත්‍රයෙක් වේදිකා නාට්‍ය සඳහා රංගනයෙන් දායක වුණා. ඒ වගේම ශ්‍රි ලාංකීය වේදිකා නාට්‍ය කලාවේ පියා ලෙස විරුදාවලිය ලත් ගාමිණී හත්තොටුවේගම මහතාගේ මග පෙන්වීම යටතේ 2009 වසරේ සබරගමු පළාත් ප්‍රථම පාසල් වීදි නාට්‍යය නිර්මාණය කළා. ඔය විදිහට තමයි වේදිකා නාට්‍ය නිර්මාණ කරණයට පිවිසුණේ.

*ඔබ වෘත්තීයෙන් ගුරුවරයෙක්..


ඔව්. මම වෘත්තියෙන් ගුරුවරයෙක්. ගුරු සේවය කරන ගමන් කලා ක්ෂේත්‍රය සඳහා නිර්මාණාත්මක සේවා සපයන සුධවල යාත්‍රා පබ්ලිකේෂන් එන්ටර්ටෙයින්මන්ට් ආයතනයේ නිර්මාතෘ හා කළමනාකාරවරයා ලෙස කටයුතු කරනවා. ඒ වගේම ගැමි දිවිය ආදරය තුළින් බෙදා සවිමත් කරන සුධවල යාත්‍රා තෛමාසික සාර සංග්‍රහයේ නිර්මාතෘ මමයි.මේ සියලු දේ මැද කවියකු, ගීත රචකයකු, සමාජ විචාරකයකු ලෙසත් කටයුතු කරනවා.

Post a Comment

0 Comments

'; (function() { var dsq = document.createElement('script'); dsq.type = 'text/javascript'; dsq.async = true; dsq.src = '//' + disqus_shortname + '.disqus.com/embed.js'; (document.getElementsByTagName('head')[0] || document.getElementsByTagName('body')[0]).appendChild(dsq); })();