යුද හමුදා අන්තර් රෙජිමේන්තු සහ ආබාධිත රණවිරු චෙස් තරගාවලිය

 

* කාන්තා හා පිරිමි රෙජිමේන්තු ශූරතා සංඥා බළකායට
* ආබාධිත රණවිරු ශූරතාව අබිමන්සලට

යුද්ධ හමුදා ‘අන්තර් රෙජිමේන්තු සහ ආබාධිත රණවිරු චෙස් තරගාවලියේ දී අන්තර් රෙජිමේන්තු චෙස් පිරිමි හා කාන්තා ශූරතා ද්විත්වයම ජයගැනීමට සංඥා බලකාය සමත්විය. එහි ආබාධිත රණවිරු තරග අංශයේ ජය අබිමන්සල 3 කණ්ඩායමේ රණවිරුවෝ දිනාගත්හ.

මේ තරගාවලියේ මූලික වටයේ තරග පසුගියදා ශ්‍රී ලංකා සංඥා බලකා රෙජිමේන්තු මූලස්ථාන ශ්‍රවනාගාරයේදී සහ පාන්ගොල්ල අබිමන්සල 3 ශාලාවේදී කාණ්ඩ 3ක් යටතේ පැවැත්විණි. එහි ත්‍යාග ප්‍රදානෝත්සවය සහ සමාප්ති උළෙල කොළඹ 2, ආරක්ෂක සේවා විද්‍යාලයේදී යුද හමුදා මාණ්ඩලික ප්‍රධානී මේජර් ජෙනරාල් අමල් කරුණාසේකර මහතාගේ සහභාගීත්වයෙන් පැවැත්විණි.

දෘෂ්‍යාබාධිත සහ තුවාල ලැබූ ආබාධිත රණවිරුවන්ට ඔවුන්ගේ කුසලතා දක්වමින් තර සඳහා සහභාගිවීමට අවස්ථාව උදා කරදීම මෙහි විශේෂත්වයකි.