සියලු දෙනාගේම කැමැත්තෙන් නායකයා තෝරයි – ශ්‍රී ලංකා කණ්ඩායමේ අලුත් නායකයා මෙන්න

ශ්‍රී ලංකා ජාතික ක්‍රිකට් කණ්ඩායමේ හිටපු නායක ඇන්ජිලෝ මැතිව්ස් අවසන් වශයෙන් පෙරේදා (06දා) මුහුණදුන් ශාරීරික යෝග්‍යතා
පරීක්ෂණයෙන් සමත් විය.

ඒ අනුව ඔහු යළි ශ්‍රී ලංකා එක්දින හා
විස්සයි-20 ක්‍රිකට් කණ්ඩායම් සඳහා නායකත්වයට පත්කිරීමට තීරණය කර ඇතැයි වාර්තා වෙයි.

ඒ අනුව එක්දින හා විස්සයි-20 කණ්ඩායමේ නායකත්වය සඳහා ඇන්ජිලෝ මැතිව්ස්ද ශ්‍රී ලංකා ටෙස්ට් කණ්ඩායමේ නායකත්වය
දිනේෂ් චන්දිමාල්ටද පැවැරීමට ජාතික ක්‍රිකට් තේරීම් කමිටුව තීරණය කර ඇතැයි පැවැසේ.

කෙසේ වෙතත් එළැඹෙන බංග්ලාදේශ ක්‍රිකට් සංචාරයේදී ශ්‍රී ලංකා ටෙස්ට් කණ්ඩායමේ සාමාජිකයකු ලෙසද කටයුතු කිරීමට මැතිව්ස්ට අවස්ථාව ලැබෙන අතර ටෙස්ට් තරගාවලියේදී පිතිකරුවකු ලෙස පමණක් ඔහුගේ සේවය ලබාගැනීමටද නියමිතය.

එහෙත් එළැඹෙන සංචාරයේදී පළමු අදියර ලෙස පැවැත්වෙන තුන්කොන් එක්දින තරගාවලියේදී පන්දු යවන්නකු ලෙසද මැතිව්ස් යොදවා ගැනීමේ හැකියාවක් ඇතැයි ශ්‍රී ලංකා ක්‍රිකට් ආරංචි මාර්ග තවදුරටත් සඳහන් කරයි.

කෙසේ වෙතත් පසුගිය 2017 වසරේදී ශ්‍රී ලංකාවේ පැවැති ශ්‍රී ලංකා-සිම්බාබ්වේ ක්‍රිකට් තරගාවලියෙන් පසුව ඇන්ජිලෝ මැතිව්ස් කණ්ඩායමේ නායකත්වයෙන් ඉල්ලා අස් විය.

එම ඉල්ලා අස්වීමත් සමඟ සලකා බැලූ විට පසුගිය වසරේ ශ්‍රී ලංකා කණ්ඩායමේ නායකයන් ලෙස ක්‍රීඩකයන් 8 දෙනකු අත්හදා බැලීමට ක්‍රිකට් බලධාරීන් කටයුතු කළේය.

එම අත්හදා බැලීම් ටෙස්ට්, එක්දින හා විස්සයි-20 යන තරග ආකෘති තුනටම අදාළව සිදුකරන ලදී.

from Gossip Lanka News & Video http://ift.tt/2CSDLbJ
via internet